Te auala ki te lagi mai te Tusi Tapu

Video

November 30, 2015

Te auala ki te lagi mai te Tusi Tapu

Te Tusi Tapu e manino kii i te ola se gata mai. E se maua mai i tou 'lei. E tokouke a

tino e fai me ia latou e 'lei kae ko latou ko olo ki te lagi ona

ko latou e ‘lei kae ko te Tusi Tapu e fai mai, “Ko ‘mao tatou mai te ‘malu o te Atua, me ko agasala a tino katoa.”

(Loma 3:23) Tusi Tapu e fai mai, “E seai eiloa se tino e tokotasi e amiotonu,

ikai, e seai.” (Loma 3:10) Au e se amiotonu. Koe se amiotonu, kae moi ne fakamasino tatou ki ‘tou

‘lei, ke olo ei tatou ki te lagi, penei seai loa se tino ia tatou e fano.

1. Fakaasi tonu ia koe se tino agasala.

Te Tusi Tapu ne fai mai ia Fakaasiga : , “Kae ko latou e ma’taku kae se talitonu, tino amio masei

kae tatino mo tino fai vailakau mo tagata fina lalolagi mo tino tapuaki ki tupua, mo tino ‘loi katoa e maua te olotou

‘togi i te afi mo te lase ‘ka tela ko te mate fakalua.” Au

ko oti ne loi. Tino katoa ko oti ne ‘loi, tela la tatou katoa kooti ne agasala, kooti foki ne fai ne tatou mea

kola e ma’sei atu i te loi. Ke iloa ne tatou, me ‘tau katoa tatou o olo ki Seoli.

2. Ke masaua te ‘taui o te agasala.

Kae ko te Tusi Tapu e fai mai, “Kae ko te Atua e tavae ne ia tena alofa mo tatou, tela e tiga tatou

ne tino agasala, Keliso ne mate mo tatou.” (Loma 5:8) Iesu Keliso, ona me alofa mo tatou, ne

vau ki te lalolagi. Te Tusi Tapu e fai mai me ko ia ko te foitino o te Atua. Ko te Atua ko liu tagata.

Ne ola i se olaga ‘ma. Seki ai sena agasala ne fai, kae ne ta fakamasei ne latou,

puapuaki ki luga ia ia, kae fakasataulo ne latou. Te Tusi Tapu e fai mai me i luga i te sataulo

ne amo ne ia tou agasala i tena foitino i luga i te lakau. (1 Petelu 2:24) tela la sose agasala

ne fai ne koe, sose agasala ne fai ne au – pela loa me ne fai ne Iesu. A ia

ne fakasala ona ko ‘tou agasala. Puke ei ne latou tena foitino i tena matega, kae avatu

ne latou ki te tanuga, kae ko tena agaga ne fano ki lalo i Seoli mo ne aso e tolu mo po e tolu (Galuega

: ). Tolu aso mai tua ne toe tu a ia mai te mate. Ne fakaasi atu ki ana soko a

sukisukiga i ana lima. Te Tusi Tapu e manino mai loa i ei me ia Iesu ne mate mo tino katoa. E fai mai

me ne mate a ia “se mo tou agasala fua, kae mo agasala a te lalolagi katoa” (

Ioane : ). Kae isi se ‘tou mea e tau o fai ke fakaola ei tatou. Te Tusi Tapu e fakafesili ne ia

ia Galuega , “Sea taku mea e tau o fai ke fakaolagina au? Kae fai mai latou, “Talitonu ki te Aliki Iesu

Keliso, kae ka fakaolagina koe, mo tou kaiga.” Tena fua. SEKI fai mai a ia, “Kau ki se lotu,

kae ka fakaolagina koe. Papatiso, kae ka fakaolagina koe. Ola i se olaga lei, kae ka

fakaola koe. Salamo ki otou agasala katoa, kae ka fakaolagina koe. IKAI. Ana muna “talitonu.”

3. Talitonu me ia Iesu ne mate, ne tanu, kae ne toe tu mai te mate mo koe.

A te fuaiupu lauiloa foki mai te Tusi Tapu, e tusi mai lalo o

te ipu I te fale ‘kai ko te “In and Out Burger”. E lauiloa kii. Tino katoa kooti ne ‘logo i ei: Ioane

:. “Me pena eiloa o alofa mai te Atua ki te lalolagi, ne tuku mai ei tena Tama e tokotasi, ko te mea

ke se malaia sose tino e fakatuanaki kia ia, kae ke maua ne ia te ola se gata mai.” Kae ko te uiga o te se gata mai

ko te se gata mai. Tena uiga se gata mai, muna Iesu, “E avatu ne au kia latou te ola e se gata mai, kae se mafai

latou o ‘mate; kae se mafai foki ne se tino o ‘fao latou mai ia au.” (Ioane : )

Muna te Tusi Tapu ia Ioane : , “Au e muna tonu atu kia koutou, ko te tino tela e fakatuanaki mai kia au, e maua ne ia

te ola se gata mai.” Tela la talitonu kia Iesu Keliso, te Tusi Tapu e fai mai me ka maua ne ke te ola se

gata mai. Koe ka ola ki te se gata mai. Kae se tiaki ne koe te ola se gata mai. E oko ki te vavau, e

se gata mai. Taimi e fakaola ei koe, taimi e talitonu ei koe, koe ko fakaolagina ki te se gata mai, kae

Faitalia me sea, ka se toe mafai o galo tou fakaolataga.

Kafai foki au e fano ki se koga kae fai ne au se agasala lasi, te Atua ka fakasala ne ia au I lalo I te lalolagi tenei.

Kafai au ne fano o tamate se tino i te aso nei, te Atua ka fakamautinoa ne ia ia au e fakasala, ia au

e ‘pei ki te falepuipui, io me ‘mafa atu te sala, io me ‘pei ki te mate. Me pefea toku fakasala i te lalolagi tenei,

Kae fakasala au ne te Atua, kae ko au e se fano ki Seoli. Seai

saku mea e fai ke mafai au o fano ki Seoli ona au ko fakaolagina, kae kafai au e fano ki Seoli, tena uiga te Atua e loi.

Ona koi a ne tauto me i sose tino e talitonu ka maua ne ia te ola se gata mai, ana muna, “Sose tino

e ola kae talitonu mai kiau e se mate eiloa ia.” Tena te mea e uke ei a fakatusaga i

loto i te Tusi Tapu o tino kola ne fai ne latou uiga se lei, kae ui ei ne olo ki te lagi. Ne mafai pefea o oko ki ei? Ona

ko te olotou ‘lei? IKAI, e pogai mai te talitonu o latou kit e Aliki Iesu Keliso. Olotou agasala

ko magalo. Nisi tino kola ne ‘lei atu olotou olaga i mata o te lalolagi, io me

ne gali kii olotou olaga, kafai e se talitonu latou kia Keliso, a latou e tau

o olo ki Seoli ke fakasala latou ona ko olotou agasala.

4. Talitonu kia Keliso tokotasi me ko tou fakaola.

Ka fakaoti taku faipatiga I te po nei ki te manatu tenei: tasi te mea e manako au o avaka

i te aso nei, ko te fesili tela ne sili ne te soko e tokotasi o Iesu kia Iesu, kae

Ko te fesili: e isi ne naai tino e fakaolagina? Se fesili gali ne?

A ate tokoukega o tino e fakaolagina? Io me e timomo fua e fakaolagina? Kooi i konei e fakatau me i te tokoukega o tino e

olo ki te lagi – me i te tokoukega o tino i te lalolagi nei e olo ki te lagi? E iloa ne koe te

tali tenei: ana muna, ia Mataio , “Ulu atu koutou kit e mataloa mataliki; me I te mataloa mataefa e

faigofie ei te auala e tau atu ki te malaia, e tokouke foki latou kola e olo atu i ei.

Ka ko te mataloa mataliki e faigata te auala e tau atu ki te ola, e timomo foki

a tino e maua ne latou.” (Mataio : – ) Ne toe fai mai foki ne ia: “Se ko tino

katoa kola e fai mai kia au, te Aliki, te Aliki, e maua ne latou te malo o te lagi, kae ko ia tela e fai ne ia

te loto o toku tamana tela i te lagi. E tokouke ka fai mai kia au i te aso tela, te Aliki, te Aliki, ko

tou igoa ne folafola atu ei ne matou te Muna a te Atua, kae i tou igoa foki ne tuli ei ne matou temoni, kae i tou igoa

ne fai ne matou galuega ‘lei e uke? Kae ka fai atu au kia latou penei, au se iloa ne au au koutou, olo keatea

mai ia au, tino amio masei.” (Mataio : -)

Muamua, te tokoukega o tino i te lalolagi nei e se ma’nako ke fai ia latou e talitonu kia Iesu. Kae fafetai

me i te tokoukega o koutou i loto nei e fai mai ia koutou e talitonu kia Iesu, kae ko te tokoukega o te lalolagi e

se talitonu kia Iesu. Kae ko te Atua ne fakamasaua mai me niisi o latou kola e fai ia latou e talitonu

kia Iesu, nisi kola e taku ne latou a ia ko te Aliki, ka tokouke ka fai atu kia ia, “Ne fai katoa

ne matou galuega ‘lei! Kaia e se fakasao ei matou!” A ia ka fai atu kia latou, “Olo keatea mai ia au, au seki

iloa loa ne au koutou.” Te ola se gata mai e se maua mai au galuega, kaae kafai koe talitonu ki au

galuega totino ke fakasao ei koe, kafai koe manatu me ia koe e fano kit e lagi ona ko koe ne papatiso,

kafai koe mafaufau, “Io, taku fakatau koe ‘tau o ola i se olaga ‘lei, taku fakatau ko e tau o tausi ki

tulafono ko koe ke fakasao, taku fakatau koe tau o fano kit e lotu, taku fakatau koe

tau o lava te agasala…” Kafai koe nofo o talitonu ki tou ‘lei I au galuega e fai, Iesu ka fai atu kia koe

I se aso, “Fano keatea mai ia au, seki iloa loa ne au a koe.”

E tau mo koe o fakatuanaki ki mea katoa ne fai ne ia. E tau mo koe o tuku katoa tou fakatuanaki ki tena mea ne fai

I luga I te sataulo I tena matega mo koe, ne tanu, kae ne toe tu mai. Tena tou tiketi ki te

lagi. Kafai la e talitonu koe ki nisi mea aka, kae fakatau koe me, “E lei iau e fano kit e lagi

me ia au se Kelisiano ‘lei kii, kae fai ne au mea gali katoa.” A ia ka

Ka fai atu penei, “Fano keatea mai ia au.” Kilo ki ana pati ne fai, “Fano keatea mai iau, au SEKI iloa loa ne au koe.”

A ia seki fai mai, “Au ne iloa ne au koe.” Taimi loa e iloa ne ia koe … masaua ne fai atu ne au

muamua: E oko ki te fakaotiga ki te se gata mai. Taimi loa e iloa ne ia koe, koe ka fakaola ki te se gata mai.

A ia ka fai atu, “Fano keatea mai ia au, seki iloa eiloa ne au koe,” me kafai koe fano ki Seoli, e

pogai mai te seki iloa ne ia koe. Ona la me mai taimi loa e iloa ne ia koe, ka iloa faeloa ne ia koe. Pela loa mo aku tamaliki

ka fai faeloa mo aku tama. Kafai koe toe fanau mai, kafai koe mo ana tama, koe ka

fai faeloa mo ana tama. Kaati koe ko te matapoga o te fanauga. Io me kaati koe se tino tela

e uke taimi ne akoako ei koe ne te Atua I te lalolagi nei. E mafai ne koe o sona fai tou olaga I lalo nei, kae

se mafai ne koe o sonafai tou fakaolataga. Kafai koe ko fakaolagina, tena loa te fakaotiga. Tena loa te mea taua

tela e manako au ke fakaasi atu e uiga mo aso fakaoti, kae e isi ne mu minute e toe

mo fesili e uiga ki te fakaolataga io me ko aso fakaoti.

Iesu, au e iloa ne au iau se tino agasala. E iloa ne au ia au e tau o fano ki Seoli.

kae ko au e talitonu me ia koe ne mate i luga i te sataulo mo au kae ne toetu. Fakamolemole fakasao mai au I taimi nei

kae aumai kia au te ola se gata mai. Au e talitonu fua kia koe, Iesu. Amene.